Në vazhdën e një rituali për t’u shfaqur rinor, sportiv, i shpenguar, presidenti Meta është shfaqur sërish me një kafshë në krah, një qenush, me të cilin ka përcjellë mesazhin e kthimit në normalitet pas tërmetit tronditës të së shtunës e lëkundjeve të mëpasshme.
“Mirëmëngjes të dashur miq,
Me rëndësi është t’i kthehemi jetës së përditshme dhe qetësisë në familjet tona!
Ju uroj një javë të mbarë!”, shkruan kreu i shtetit, duke ia prezantuar veten publikut të qeshur e të relaksuar, me gjasë në verandën e vilës në Lalz, prej aty ku ka përcjellë dhe mesazhe të tjera të natyrës politike me gjuhë simbolike.
Prej kësaj gjuhe ka qenë dhe ajo e kafshëve, zakonisht qen e mace, me të cilën ai ka konsumuar e vijon të konsumojë një betejë me kreun e qeverisë. /tesheshi.com/
