Departamenti Amerikan i Shtetit ka vendosur të ofrojnë një shpërblim prej 5 milion dollarësh amerikanë për këdo që ofron informacione që mund të çojnë në arrestimin e katër djemve të ish-bosit të kartelit të drogës të njohur si ‘El Chapo’.
Në njoftimin e DASH thuhet se të katër djemtë e tij janë drejtues të lartë të kartelit. Mbi secilin rëndojnë akuza për trafik të lëndëve narkotike.
Autoritetet amerikane sqarojnë se djemtë e El Chapos, të njohur me noftën ‘Los Chapitos’ kanë marrë rol drejtues në trafikimin e drogës pas arrestimit të babait të tyre. Ata janë famëkeq për sjelljen dhe paraqitjet e tyre të guximshme dhe të dukshme në mediat sociale. Njëri prej tyre – Ovidio Guzmán López – u kap, por u lirua nga qeveria meksikane në vitin 2019 në një incident që rezultoi një siklet kombëtar për administratën e presidentit meksikan Andrés Manuel López Obrador.
Shpërblimi prej 5 milion dollarësh ishte vëndosur edhe për vëllain e El Chapos, Aureliano Guzman.
Megjithatë, duket se përpjekjete e autoriteteve amerikane në këtë drejtim nuk do të jenë të lehta, pasi presidenti meksikan Andrés Manuel López Obrador, deklaroi se agjentët e FBI-së nuk do të lejohen të kryejnë arrestime në territorin meksikan.
El Chapo u dënua me burgim të përjetshëm në vitin 2019 dhe po e vuan dënimin në një burg të sigurisë së lartë ne Kolorado të Shteteve të Bashkuara. Më 30 nëntor, edhe gruaja e tij Emma Coronel, u dënua 3 vite burg për rolin e saj në trafikun e drogës dhe pastrim parash. /Tesheshi.com/
