Një gjykatë ruse gjobiti një murgj me ndikim për nxitje të armiqësisë në predikimet e tij për mohimin e ekzistencës së koronavirusit dhe duke i nxitur ndjekësit të injoronin masat e bllokimit të qeverisë.
Kur epidemia u përhap në Rusi, At Sergius e shpalli virusin COVID-19 si jo-ekzistent dhe i quajti përpjekjet e qeverisë për të ndaluar pandeminë si “kampi elektronik i Satanait”.
“Në predikime të zjarrta plot me deklarata antisemitike,” ai tha se vaksinat që po zhvillohen kundër COVID-19 janë pjesë e një komploti global për të kontrolluar masat.
Një gjykatë në qytetin Verkhnyaya Pishma, në rajonin e Ural, e shpalli Atin Sergius fajtor për “nxitje të urrejtjes” dhe e dënoi atë të paguante një gjobë prej 18,000 rubla (rreth 250 dollarë).
Kisha e ndaloi atë të shërbente në prill, por ai vazhdoi të predikonte dhe, muajin e kaluar mori pushtetin mbi një manastir jo larg nga Yekaterinburgut, të cilin e themeloi shumë vite më parë.
At Sergius e karakterizoi presidentin rus Vladimir Putin si një “tradhtar të Atdheut”, i cili i shërben “qeverisë botërore” të Satanait, dhe cilësoi Patriarkun e Kishës Ortodokse Kirill dhe priftërinjtë e tjerë të lartë si “heretikë” dhe “armiq të Zotit”.
Një gjykatë tjetër në Urals e dënoi atë në fillim të korrikut për të paguar një gjobë prej 90,000 rubla (1.250 dollarë) për përhapjen e gënjeshtrave në lidhje me virusin koronar. /tesheshi.com/
