Facebook, për shumë persona është shndërruar në më shumë se një rrjet social. Është një botë e vërtetë paralele nga ajo reale dhe e prekshme, në të cilën mund të bëhet gjithçka: të komunikosh ndjenjat, të punosh, të bësh miq të rinj etj., etj.
Megjithatë, gjithmonë e më shumë persona po kërkojnë të braktisin Facebook dhe për këtë ekziston një projekt i vërtetë social, i ideuar nga Merijn Straathof, në të cilin ftohen të gjithë të heqin dorë nga rrjeti social për 99 ditë. Të gjithë pjesëmarrësit që janë pjesë e iniciativës, pranojnë se ndihen më mirë.
Të dhënat janë shumë interesante dhe do të analizohen nga universiteti Leiden dhe Verije në Amesterdam, për të kuptuar saktësisht se çfarë ndjenjash dhe emocionesh ngjall Faebook tek njerëzit.
“Ideja që shumë persona të heqin dorë nga Facebook është shumë interesante. Edhe unë kam aderuar në këtë iniciativë dhe si shumë persona të tjerë, jam ndier i lirë. Kam gjetur shumë më shumë kohë për të bërë gjërat të cilat doja me të vërtetë t’i bëja dhe kam kuptuar se më parë kaloja kohë duke u marrë me gjërat që bënin të tjerët”,- thotë Merijn.
Po ju, a mendoni se arrini t’ia dilni pa Facebook?/tesheshi.com/
