Nespullat janë një prej frutave me veti të shumta shëndetësore, janë antioksidues, antiinflamatorë, reduktojnë kolesterolin, i bëjnë mirë lëkurës dhe shikimit, përveçse përmbajnë shumë ujë dhe pak kalori, 28 kalori për 100 gramë dhe për këtë arsye kanë veti dobësuese.
Një tjetër veti e tyre është se ngopin shpejt, ndaj mund të përdoren ndërmjet vakteve, përveçse janë të shijshme.
Nespullat janë të pasura me kripëra minerale, fibra dhe vitamina, kryesisht A dhe C.
Ndihmojnë për të rregulluar funksionin e aparatit tretës si dhe pastrojnë gurët e vegjël në veshka, duke lehtësuar nxjerrjen nëpërmjet urinës.
Nespullat e pjekura ndihmojnë kundër kapsllëkut. Po ashtu konsumi i rregullt i tyre ndihmon për të parandaluar inflamacionet e fytit.
Nespullat reduktojnë kolesterolin dhe mbrojnë nga sëmundjet kardiake, pasi përmbajnë potas, i cili redukton rrezikun e sëmundjeve të zemrës.
Prania e fibrave tek ky frut ndihmon për të reduktuar kolesterolin e keq në gjak, LDL.
Nespullat ndihmojnë edhe për të ulur temperaturën, në rast të temperaturës së lartë. Gjithashtu parandalojnë kancerin në zorrën e trashë për shkak se përmbajnë pektinë, një fibër e cila luan rol laksativ duke ndihmuar në eliminimin e toksinave.
Nespullat janë të pasura me flavonmoide, antioksidantë dhe acid ferulik që ndihmon për të frenuar dëmet e shkaktuara nga radikalet e lira.
Ndër të tjera vitamina A që gjendet tek nespullat, e mbron lëkurën nga plakja dhe nga dëmet e shkaktuara nga agjent të jashtëm. Gjithashtu kjo vitaminë luan rol mbrojtës ndaj retinës së syrit./tesheshi.com/
