Ka disa ditë që të gjithë ne mund të ndiejmë se kemi gjithë botën në pëllëmbën e dorës. Mbase botën nuk e keni në të vërtetë në pëllëmbën e dorës, por me siguri që veten tuaj e keni të gjithë të pasqyruar në pëllëmbën e dorës.
Stresi është i paevitueshëm në ditët kur jetojmë dhe ajo që bëjmë në përditshmëri rrit tensionin e kjo sjell nevojën për të kryer aktivitetet që na çlirojnë nga këto ndjesi. Disa prej tyre përfshijnë Jogën, Meditimin, Masazhe të ndryshme dhe Refleksologjinë.
Refleksologjia është një mjekësi alternative, e cila përfshin aplikimin e presionit në pjesë të caktuara të dorës, apo të këmbëve, në gishtërinj specifik dhe me teknika që ndihmohen nga përdorimi i vajrave apo locioneve të ndryshme.
Bazohet në një sistem zonash dhe refleksesh, të cila janë të lidhura me reflektimin e një imazhi të trupit në këmbë apo në duar, të cilat ndikojnë tek organet dhe pjesët e trupit duke simuluar zonat e reflekseve. Masazhi nëpërmjet refleksologjisë ka aftësinë të japë ndjesinë e qetësisë dhe të largojë stresin e ankthin.
Nëpërmjet simulimit të zonave në dorë apo pëllëmbën e dorës ngacmohen organet që t’ju tregojnë se në cilat zona të trupit duhet të përqendroheni.
Si të realizoni refleksologjinë?
Përdorni gishtin e madh apo atë tregues, duke shtypur si më poshtë:
Shtrëngoni në një pikë të caktuar të dorës, gishtin e madh apo atë tregues, për 5 sekonda
Lëreni të lirë për 3 sekonda
Shtrëngojeni sërish
Përsëriteni këtë gjë për disa minuta
Përsëriteni disa herë në ditë./tesheshi.com/
