Nga Etjola Bedo
Në vargjet e një kënge Gjirokastra quhet “qyteti në shpat mali” – siç dhe ç’është – ky pjesa historike, identiteti i vërtetë i këtij qyteti, mbështetet në gjoksin e Malit të Thatë; por që kur bien shira të furishëm katandiset sikur të ndodhej fushave të Kurbinit a Shkodrës: një Mamurras apo Torovicë e vërtetë.
Pritej që kjo mos ndodhte, pas një sërë investimesh të fuqishme në infrastrukturë, ku është dashur edhe të ndërhyet në kanalizime; por rituali nuk u ndërpre as këtë herë duke e bërë qull.
Pjesa më problematike ishte në fillim të rrugës hyrëse të lagjes “18 shtatori”, tek Ura siç quhet, ose rethrrotullimi, aty ku automjetet u zhytën e mbetën nën ujë për orë të tëra, në një kërleshje edhe borish për të dalë prej andej. Dhe thuhet se gjithçka ka ardhur vetëm për një pusetë të bllokuar.
Pra, një qytet nammadh si Gjirokastra, mundet jo nga një shi – sado i rënmbyeshëm – por nga një pusetë. /tesheshi.com/
