Skënder Gjinushi, kryetar i PSD-së, e ka quajtur proçesin e dekriminalizimit në politikën shqiptare, si një parodi. Skepticizimin e tij, Gjinushi e shtjelloi si me argumenta ligjore e si me argumenta politike. Sa për të parat, tha se nëse një kriminel ka hyrë në parlament, diskutimi ndaj tij nuk është nëse do jetë apo jo në parlament, por do jetë ose jo në burg.
Ndërsa në prizmin politik, Gjinushi tha se ata që e kërkojnë me të madhe dekriminalizimin, jo vetëm që nuk e kanë moralin e duhur për këtë gjë, por janë autorët e vërtetë në vite të kriminalizimit të jetës politike e shoqërore shqiptare. Nëse ka ndonjë të inkriminuar në parlament, kjo është pasojë, theksoi Gjinushi.
Deklarimet e tij u bënë në një emision televiziv./tesheshi.com/
