Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej një muaji të serbit që shkatërroi xhaminë e fshatit Veleknicë, përkatësisht prishi minaren.
Sipas njoftimit të gjykatës, i pandehuri B.V, më datë 14.8.2016, ka arritur të ngjitet lart në minaren e xhamisë në Velekincë të Gjilanit dhe më pas filluar shkatërrimin e saj.
Pas intervenimit të Njësisë Speciale të Policisë së Kosovës i pandehuri është arrestuar.
Me këto veprime B.V. dyshohet se ka kryer veprën penale “asgjësimi apo dëmtimi i pronës nga neni 333 paragrafi 3 dhe 4 lidhur me paragrafin 1 të Kodit Penal të Republikës së Kosovës (KPRK)”, thuhet në kumtesë.
/tesheshi.com/
