Damian Gjiknuri, një nga bashkëkryetarët e komisionti të reformës zgjedhore, tha se është i gatshëm që ta lërë detyrën për hir të opozitës jashtëparlamentare, mjaft që kjo e fundit të rikthehet në komision.
“Mua më duket edhe ironike por pse jo dhe qesharake gjithë ajo kauzë për ‘Rama ik’ mund të përfundojë me ‘Damiani ik’ në komision. Jam i gatshëm të rishikoj pozicionin tim në komisionin parlamentar të reformës zgjedhore, si bashkëkryetar, me kusht që PD të njohë komisionin”, tha Gjiknuri.
Por PD nuk është e kënaqur as me këtë hap, kërkon shumë më tepër. Sipas saj, Gjiknuri duhet shkojë në burg.
“Duhet të dalë para drejtësisë. Ai është i akuzuar për Krime Zgjedhore. Nuk është kërkesë e opozitës. Është një nga kushtet e BE për hapjen e negociatave. Asnjë nga ato që kanë dalë në përgjimet e dosjes ‘184’ duhet të jenë në Komisionin e opozitës, por në burg”, tha nr.2 i demokratëve, Gazmend Bardhi.
Por për Gjiknurin ka një nonens edhe juridik edhe politik në këtë lloj kërkese.
“Është njësoj sikur ne të themi se duhet të ikë Basha se ka vrarë katër veta. Nuk ka asnjë akuzë penale ndaj meje. Ata duhet të vijnë në tryezë të diskutojnë sepse nuk mund të vendosësh kushte pa bërë veprimet e tua. E rëndësishme është që ata të vijnë dhe të marrin pjesë. Kanë të drejtën e v etos edhe pa qenë në parlament. Lidhur me këtë kemi marrë kritika edhe nga opozita jo parlamentare”, u shpreh Gjiknuri. /tesheshi.com/
