Ish-kryebashkiaku i Kukësit Safet Gjici përcolli një kërkimfalje ndaj familjes dhe opinionit, më saktë votuesit kuksian, mbi proçkën erotike në zyrën e shtetit, por tha se nuk ka kryer vepër penale.
Nga salla e gjyqit ai tha: “Kërkoj falje familjes time, qytetarëve kuksianë dhe gjithë opinionit publik. Nuk kam kryer asnjë vepër penale, sepse nuk kishte asnjë premtim, asnjë projekt. Unë kam thyer vetëm kodin etik për të cilin jam ndëshkuar”.
Ai përsëriti faktin se ishte viktimë e një kurthi, njëherësh duke kërkuar lirinë, daljen nga burgu. Dhe siç ndodh në të tilla raste, avokati i tij dorëzoi në gjykatë një raport mjekësor për Gjicin, duke e konsideruar si me probleme shëndetësore nga të cilat duhej liruar. /tesheshi.com/
