Ministri i Brendshëm Saimir Tahiri ka bërë kallëzim në Prokurori, pasi ka gjetur një pajisje përgjimi në zyrën e tij. Sipas të dhënave, dyshohet që personi i cili ka vendosur pajisjen përgjuese në grirësen e letrave në zyrën e ministrit Tahiri, është një punonjës i ministrisë së brendshme.
Përgjuesi, i cili është zbuluar më 18 maj,aktualisht ndodhet në duart e prokurorëve.
Disa ditë më parë vetë ish Kryeministri Sali Berisha shkruajti në Facebook në lidhje me atë që ai vetë e cilësoi si “një çimkë”.
“Parmbrëmë, në zyrën e Saje qorrit, konkretisht në anën e pasme të grirëses së letrave gjendet një goxha çimkë! Kjo e ka tmerruar Saje qorrin, i cili ka dyshim kryesor:1- zëvendësministrin e LSI dhe 2-njërin nga asistentët e tij.
Por njerëzit afër tij flasin edhe për dy burime të tjera më të mundshme, njëri i huaj kurse burimi tjetër është intim”, – ka shkruar Berisha më 20 maj në profilin e tij në Facebook. /tesheshi.com/
