Është pezulluar puna në HEC-in e Moglicës dhe 100 punëtorët e këtij HEC-i kanë deklaruar se ndihen të frikësuar, pasi kanë gjetur praninë e mineralit të asbestit në vendin ku kryejnë çdo ditë punimet.
Të frikësuar nga prania e këtij minerali, punëtorët thonë se janë në dijeni të pasojave të rrezikshme që jep asbesti në shëndetin e njeriut.
“Asbesti ka efekte të rrezikshme. Ndihemi të rrezikuar për jetën. Kemi dëgjuar për efektet e asbestit, pasi grimcat e tij shkaktojnë kancer. Asbesti është hasur që në fillim të punës. Firma nën kontraktore shfaqet e pashqetësuar. Ne e dimë se ku ka asbest, mbyllen punimet”, thonë punëtorët.
Ata kërkojnë ndërhyrjen e shtetit në mënyrë që të bëhen verifikimet e duhura në këtë kantier./tesheshi.com/
