Nick Struck ishte njëri prej të parëve që mbërriti në vendin e ngjarjes së një aksidenti të tmerrshëm që përfshiu një familje prej 6 personash në Colorado (Shtetet e Bashkuara).
Familja po udhëtonte në autostradën “Interstate 76” kur një prej gomave të fuoristradës së tyre shpërtheu, duke e nxjerrë makinën jashtë rruge. Nga fakti që askush nuk kishte vënë rripin e sigurimit, nga përplasja, të gjithë pjesëtarët e familjes u lënduan rëndë.
Më së shumti babai i cili, fatkeqësisht, humbi jetën në vend. Por asgjë nuk i ngjau vogëlushes dy vjeçe, të cilën polici Nick e mbajti në krahë.
“Sapo arrita aty, e kapa përkrahu dhe fillova t’i këndoja një ninullë që e këndoj shpesh kur jam me vajzën time, e cila ka afërsisht të njëjtën moshë”, tha efektivi i policisë së Colorados, “e bëra këtë duke e kthyer me kurriz nga skena e aksidentit dhe duke e shpërqendruar nga e gjithë ajo çka kishte ndodhur”.
Në foton e shkrepur nga një dëshmitare shihet oficeri Nick me vajzën në krah, shumë larg vendit të ngjarjes, dhe duke i treguar diçka në qiell në mënyrë që vajza ta humbasë mendjen nga ajo çka kishte ngjarë. /tesheshi.com/
