Një gjest vulgar, të cilin ai nuk e bën për herë të parë në karrierën e tij, por që kurrë nuk ka marrë aq vëmendje mediatike sa tani, mund t’i kushtojë Cristiano Ronaldos largimin e tij nga Arabia Saudite.
Një gjest i ulët mashkullor pas një debati me tifozët, të cilët i brohorisnin “Messi, Messi” në ndeshjen kundër Hilalit, ofendoi thellësisht sauditët.
https://twitter.com/i/status/1648441528245948421
Dhjetëra prej tyre dolën në mediat sociale të mërkurën për t’iu bashkuar thirrjeve për dëbimin e 38-vjeçarit portugez.
Çështja shkoi aq larg sa avokatja Nouf bint Ahmed njoftoi në Twitter se do të paraqiste një kallëzim penal në Prokurorinë Publike Saudite.
Ronaldo do të denoncohet për një krim kundër paturpësisë publike, që në rastin e shtetasve të huaj dënohet me arrestim dhe dëbim, njoftoi ajo.
“Unë nuk e ndjek sportin. Edhe nëse spektatorët provokuan Ronaldon, ai nuk reagoi mirë. Sjellja e tij është krim. Do të bëjmë kallëzim në prokurori“, tha Bint Ahmed.
Por komentatori televiziv Mohamed al Anzi doli në mbrojtje të lojtarit, duke pretenduar se gjesti i tij ishte për shkak se “ka marrë një goditje të keqe gjatë lojës”, aty, në vendin e lig, por duket se publiku nuk e ka besuar aspak këtë version.
Gazetari Ozman Abu Bakr e quajti lëvizjen e tij një “gjest të pamoralshëm dhe të pahijshëm” dhe tha se Federata e Futbollit të Arabisë Saudite duhet ta ndërpresë kontratën menjëherë.
Mbrëmë, gjesti i Ronaldos u diskutua me orë të tëra në Action ya Daëra, emisioni sportiv më i njohur në vend.
Kështu, veç aspektit futbollistik, ku nuk po realizohet pritshmëria nga blerja turbulluese e yllit portugez, tashmë ndaj tij po ka një zhgënjim në planin etik.
Ronaldo, tej ca virtyteve, shfaqet dhe tejet kontravers kur ndodh ta kapin nervat e ta humbë toruan. /tesheshi.com/
