Dy skuadrat greke që bëjnë gara në Superligë, AEL Larissa dhe Acharnaikos, kanë bërë një gjest të mrekullueshëm duke ndalur lojën për disa minuta, në shenjë proteste ndaj trajtimit të refugjatëve që po u bëhen në shtetin helen, ku disa prej tyre humbën dhe jetën ditë më parë teksa po kalonin brigjet e ishullit Aegean.
Me të filluar ndeshja, futbollistët e dy skuadrave u ulën në fushën e lojës së bashku me stafin teknik, duke u solidarizuar kështu me emigrantët të cilët nuk po kalojnë mirë në Greqi.
Gjyqtari i ndeshjes mbeti i habitur kur pa 22 futbollistë të shtrirë në fushën e lojës, megjithëse një gjë e tillë ishte paralajmëruar nga nikoqiri AEL.
“Zyrtarët e klubit AEL kanë vendosur që së bashku me stafin teknik, lojtarët, doktorët dhe gjithë tjerët përreth klubit, të prostesojnë në dy minutat e para të ndeshjes në shenjë nderimi për 26 emigrantët që humbën jetën ditë më parë, në mesin e tyre edhe shumë fëmijë, ndërkohë autoritetet europiane po tregohen shumë indiferent ndaj kësaj çështje”, thuhet në njoftimin e klubit AEL Larissa.
Lideri aktual në kampionatin grek të futbollit, AEL Larissa, në vazhdimin e ndeshjes doli të jetë më e mirë se skuadra Acharnaikos, duke triumfuar me shifrat 2-0. /tesheshi.com/
Ndiqe videon:
https://www.youtube.com/watch?v=HkCsY8Zadzo
