Ambasadori gjerman në Beograd, Heinz Wilhelm deklaroi sot se Gjermania do që negociatat me Serbinë të hapen sa më shpejt, ndërsa shtoi se duhet të normalizohen marrëdhëniet me Kosovën.
I pyetur në lidhje me kuptimin e termit ‘normalizim’, Wilhelm u shpreh se kjo gjë nuk do të thotë njohje e Pavarësisë së Kosovës, por vendosjen e marrëdhënieve të fqinjësisë së mirë.
I pyetur në lidhje me vizitën e Kanclares Gjermane Angela Merkel në Serbi, Wilhelm konfirmoi se përgatitjet për këtë vizitë janë në rrugë e sipër dhe sipas tij, takimi i parë i kancelares në këtë shtet do të jetë me Kryeministrin Aleksandar Vuçiç. /tesheshi.com/
