Këtë vit, Gjermania po përballet me sfidën më të madhe në pritjen e azilkërkuesve që nga viti 2015, gjatë krizës së emigrantëve.
Me më shumë se tre milionë refugjatë, përfshirë ukrainas, Berlini është nën presion të madh nga shtetet dhe komunat e mbingarkuara. Kjo valë refugjatësh, më e madhja që nga Lufta e Dytë Botërore, ka krijuar një situatë dramatike, ndërkohë që numri i kërkesave për azil dhe të pastrehëve në Gjermani po rritet.
Numri i të pastrehëve në vend është rritur me më shumë se 50 për qind në vetëm një vit për shkak të numrit të madh të emigrantëve që vijnë. Numri i kërkesave për azil pritet të kalojë 300,000 deri në fund të vitit, një rritje prej 70 për qind krahasuar me një vit më parë.
Në të njëjtën kohë, Gjermania është prekur edhe nga një krizë me mungesën e banesave të përballueshme, ndërkohë që normat e interesit dhe çmimet e ndërtimit janë në rritje.
Rreth 50,000 njerëz detyrohen të flenë në rrugë, ndërsa pjesa tjetër gjejnë një vend të paktën përkohësisht në një strehë ose me miq dhe të njohur. Rreth 607,000 njerëz ishin të paktën përkohësisht të pastrehë vitin e kaluar, krahasuar me 383,000 në vitin 2021, vlerëson Bag W.
Mes tyre janë 411,000 refugjatë, ose 71 për qind e numrit të përgjithshëm. Në vitin 2021 më shumë, pra 194.500 refugjatë pa strehim. Sipas të dhënave nga Byroja Shtetërore e Statistikave, në fund të janarit, ukrainasit përbënin pak më pak se një të tretën e të pastrehëve.
Strehimi social po përballet me një pengesë serioze, duke paraqitur një sfidë për sistemin e emigracionit në Gjermani. Mungesa e marrëveshjes për politikën e imigracionit mes partisë në pushtet dhe opozitës, kushtet e vështira për strehimin social dhe presioni politik rrisin tensionet në vend. /tesheshi.com/
