Përfaqësuesit e qeverive federale dhe provinciale në Gjermani pritet të bien dakord mbi futjen e masave shtesë, më të rrepta të mbylljes.
Sipas projekt-dokumentit të qeverisë federale, të cilit i referohet media, nga e mërkura, 16 dhjetor deri më 10 janar, funksionimi i dyqaneve do të ndalohej, me përjashtim të atyre për përdorim të përditshëm dhe farmacive.
Puna do të lejohet në banka, zyra postare dhe stacione karburanti. Në të njëjtën kohë, detyrimi për të ndjekur klasat shkollore do të hiqet.
Masa të reja më të rrepta përfshijnë ndalimin e parukerive dhe salloneve të masazhit.
Masat e mëtejshme përfshijnë ndalime në tubime publike për prag të Vitit të Ri, dhe mbledhje të deri në pesë personave, duke mos përfshirë fëmijë.
Qeveria federale shpjegon se masat e reja janë të nevojshme sepse ato të mëparshmet nuk kanë dhënë rezultate.
“Ne ende regjistrojmë një numër vazhdimisht të lartë të infeksioneve të reja çdo ditë,” tha dokumenti.
Në Gjermani, masat e mbylljes kanë qenë në fuqi që nga fillimi i nëntorit, të cilat përfshijnë një ndalim të funksionimit të objekteve hotelierike, si dhe objekteve kulturore dhe sportive.
Disa shtete federale si Bavaria dhe Saksonia tashmë kanë futur masa më të rrepta. /tesheshi.com/
