Zyrtari më i lartë gjerman i Zyrës Federale për Migracionin dhe Refugjatët ka deklaruar se në Gjermani pritet të arrijnë gjatë këtij viti rreth 300.000 emigrantë.
Frank-Jurgen Weise i ka thënë një gazete gjermane se ai i është i bindur se numri i të ardhurve do të mbetet brenda pritshmërive, por, nëse ndodh e kundërta, nëse ai tejkalohet, institucioni që ai drejton do të përballet me vështirësi.
Siç raporton BBC-ja, Weise është shprehur se integrimi i emigrantëve në shoqërinë gjermane do të marrë shumë kohë dhe do të kushtojë goxha.
Ai sugjeron që Gjermania duhet të përpiqet që t’i bëjë sa më shumë prej tyre pjesë të tregut të punës.
Gjermania u ndesh vitin e shkuar në veçanti me një valë të madhe të ardhurish. Më shumë se një milion emigrantë arritën në 2015-tën nga Lindja e Mesme, nga Afrika e Afganistani.
Ministria e Brendshme gjermane bën të ditur se më tepër se 390.000 persona aplikuan për azil gjatë gjashtë muajve të parë të këtij viti. /tesheshi.com/
