Një zyrtare e lartë gjermane ka deklaruar se asnjë shqiptari të ardhur në Gjermani kohët e fundit nuk do t`i jepet azil. Znj. Beate Merk, Ministre e Shtetit për Europën në Landin e Bavarisë, sqaroi në një intervistë për TCH se atyre do u jepen ushqime e veshëmbathje, por jo të holla, e aq më pak azil. Për Gjermaninë, tha ajo, Shqipëria është një vend i sigurt.
Madje shtoi se është një vend që ka ndërmarë reforma dhe po bën hapa para. Më tej ajo ka sqaruar se do përshpejtohen proçedurat për kthimin e atyre që nuk do u jepet azil. Numri i shqiptarëve që kanë kërkuar azil, shkon në afro 1500 veta. /tesheshi.com/
