Kreditori më i madh i Greqisë, Gjermania, ka thënë këtë të hënë se eurozona nuk duhet t’i japë Athinës më asnjë ndihmë financiare, deri sa ajo të paraqesë një listë të detajuar të reformave, duke shtuar për të skepticizmit rreth planeve të paraqitura javën e kaluar.
Një zëdhënës i nivelit të lartë në Bruksel ka thënë të dielën se
Zëdhënësi gjerman i Ministrisë së Financave, Martin Jaeger, tha të hënën: “Ne duhet të presim që pala greke të na paraqesë një listë të plotë të masave reformuese, e cila të jetë e përshtatshme për diskutimin që do të realizohet mes institucioneve dhe më vonë me Eurogrupin.”
“Tani topi është në fushën e Greqisë”,- tha ai, ndërsa shtoi se “tani është koha e bisedimeve teknike, të cilat janë të vështira dhe kërkojnë kohë”.
“Kjo varet nga cilësia e listës greke dhe sa janë të aftë ata të mbulojnë elementet që janë përmendur tashmë në memorandum”, tha Martin Jaeger. “Nuk do të mbështetemi vetëm tek marrëveshja dhe bisedimet në Bruksel, por edhe tek masat që do të duhet të miratohen nga parlamenti në Athinë”,- është shprehur zëdhënësi i ministrisë së Financave të Gjermanisë./tesheshi.com/
