Zyra gjermane e trafikut ajror e ndaloi aktivitetin e kompanisë ajrore të Iranit, Mahan Air në Gjermani.
“Mahan Air duhet të ndalojë të gjitha fluturimet për dhe nga Gjermania deri në njoftimin e mëtejshëm”, u tha në në një deklaratë.
Siç është raportuar, arsyeja për heqjen e licences, është “ruajtja e politikës së jashtme dhe interesave të sigurisë të Gjermanisë”.
Media gjermane njoftoi më parë një ndalim të trafikut për Mahan Air, i dyshuar se mban në bord në fluturime të shumta rojet revolucionare të Iranit, si dhe transporton trupa dhe armëe iraniane në Siri.
Për Mahan Air dyshohet gjithashtu se avionët e tij po përdoren për “qëllime terroriste”.
Shumë vende në Bashkimin Europian ankohen për aktivitetet e spiunazhit të Iranit në zonat e tyre.
Mahan Air fluturonte rregullisht nga Teherani në Dyseldorf dhe Mynih. /tesheshi.com/
