Një zëdhënës i Kancelares gjermane Angela Merkel ka thënë këtë të mërkurë se shtetet e Bashkimit Europian nuk duhet ta lënë Greqinë të vetme për të negociuar me fluksin e emigrantëve dhe të refugjatëve, por në të njëjtën kohë u shpreh se Greqia duhet të bëjë pjesën e saj për mbrojtjen e kufijve me efektivitet.
“Greqia nuk duhet lënë vetëm në këtë situatë të vështirë”, – tha Steffen Seibert në një konferencë për shtyp, pas mbledhjes së qeverisë.
“Në të njëjtën kohë, Greqi duhet të mbrojë kufijtë e saj me efektivitet dhe në të njëjtën kohë duhet të vijojë akomodimin e këtyre personave sipas kapacitetit të saj”, – shtoi ai.
