Gjermania do të mbajë ambasadën e saj në Tel Aviv derisa të arrihet një zgjidhje dy shtetesh midis izraelitëve dhe palestinezëve, tha të mërkurën ministri i Jashtëm Sigmar Gabriel.
Duke ju drejtuar një konference ndërkombëtare në Institutin për Studime të Sigurisë Kombëtare në Tel Aviv, Gabriel nënvizoi se lëvizja e ambasadës së Gjermanisë në Jerusalem do të vijë vetëm pas një zgjidhjeje të negociuar.
“Gjermania mezi po e pret ditën kur do të mund të lëvizë ambasadën e saj në Izrael drejt Jerusalemit, por më lejoni të shtoj: vetëm në rast të arritjes së zgjidhjes ‘dy shtete’, me Jerusalemin si kryeqytetin e tyre”, tha ai.
Gabrieli nënvizoi se të dyja palët kishin “aspirata legjitime në lidhje me Jerusalemin”, dhe një zgjidhje mund të gjendet vetëm në negociata.
“Ne besojmë se ky veprim duhet të vijë në mbështetje të zbatimit të një zgjidhje të negociuar dy shtetesh bazuar në linjën e vitit ’67. Deri atëherë do të ndjekim të drejtën ndërkombëtare lidhur me statusin e territoreve të pushtuara”, tha ai.
Presidenti i SHBA, Donald Trump njoftoi në dhjetor të vitit 2017, se do ta njohë zyrtarisht Jerusalemin si kryeqytetin e Izraelit pavarësisht një refuzimi pothuajse unanim ndërkombëtar.
Jerusalemi mbetet në thelb të konfliktit Izrael-Palestinë, me palestinezët që shpresojnë që Jeruzalemi Lindor – i pushtuar nga Izraeli që nga viti 1967 – përfundimisht të shërbejë si kryeqyteti i një shteti të ardhshëm palestinez. /tesheshi.com/
