Qeveria Gjermane ka kundërshtuar kërkesën e Greqisë për kompensim të dëmeve të luftës gjatë Luftërave Botërore.
“Çështja e kompensimit është e mbyllur politikisht dhe ligjërisht”, tha zëdhënësi i Ministrisë së Jashtme gjermane Rainer Breul në një konferencë shtypi në Berlin.
“Qëndrimi i Gjermanisë nuk ka ndryshuar në këtë çështje”, tha ai, duke përmendur apelin e djeshëm nga Greqia, ku ajo ka kërkuar dëmshpërblime.
Që nga viti 2015, politikanë të ndryshëm grekë kanë pohuar se Gjermania i detyrohet Greqisë rreth 280 miliardë euro në reparacionet e Luftës së Dytë Botërore.
Qeveria gjermane ka argumentuar në mënyrë të përsëritur se çështja e kompensimit të Luftës së Dytë Botërore është zgjidhur sipas marrëveshjeve të mëparshme ndërkombëtare. /tesheshi.com/
