Gjermania ka ngritur aktakuzë kundër dy punonjësve të shërbimit sekret sirian të cilët kanë kryer tortura.
Në një deklaratë me shkrim nga Kryeprokuroria Federale njoftohet se gjykata e lartë e rajonit Koblenz ka pranuar aktakuzën e përgatitur kundër sirianëve Anwar R. dhe Eyad A. për të cilët pretendohet se kanë punuar për shërbimet sekrete siriane dhe se kanë kryer tortura kundër opozitarëve në Siri.
Dy punonjësit e regjimit të Asadit që janë të arrestuar mbahen përgjegjës për zbatimin e torturave ndaj rreth 4 mijë personave, dhe vrasjen e 58 prej tyre gjatë periudhës kur ishin në Siri.
Anwar R. theksohet se ka ardhur në Gjermani në vitin 2014, ndërsa Eyad A. në vitin 2018 dhe ata u arrestuan në shkurt të vitit 2018.
Kujtojmë se ende, asnjë gjykatë ndërkombëtare, nuk ka punuar në drejtim të vënies para drejtësisë së regjimit sirian, i cili është përgjegjës për spiralizimin e konfliktit civil dhe vrasjen e qindra mijëra vetëve.
Është madje ironike që shumë media ndërkombëtare përdorin ende termin “presidenti sirian” në vend të “regjimit”. /tesheshi.com/
