Gjermania fiton Kupën e Konfederatave. Ekipi eksperimental i Joachim Low, ia del të mundë në finale Kilin 1-0, me një gol të shënuar nga Stindl.
Pavarësisht se amerikanojugorët dominojnë në të gjithë treguesit, pesha e fanellës dhe taktika e zbatuar me përpikmëri, bënë që gjermanët me pragmatizëm, të ruanin golin e fitores, të cilin e shënuan pas një gabimi të mbrojtjes e një rrëmbimi të topit.
Në këtë mënyrë, pas fitores së Europianit të ekipit të 21-vjeçarëve, dy ditë më parë, ishin “pak më të rriturit”, me moshë mesatare 23 vjeç, që fitojnë trofeun e radhës.
Verë e mbarë për Gjermaninë e futbollit, lojtarët e së cilës, ata që u shpallën kampionë bote, tashmë pushojnë prej një muaji.
Portieri më i mirë i Kupës së Konfederatave u shpall kileni Bravo; shënuesi më i mirë Timo Werner i Gjermanisë me 3 gola; ndërsa lojtari më i mirë i turneut, pra topin e artë, e mori kapiteni i Gjermanisë, Julian Draksler. /tesheshi.com/
