Një raport vjetor në lidhje me industrinë e mbrojtjes, i përpiluar nga kompania britanike IHS Jane’s, ka bërë të ditur se vetëm SHBA-të e Rusia kanë shitur më shumë armë se Gjermania në vitin 2015.
Tregu i armëve për Gjermaninë do të sillej në shifrën rreth 4.8 miliardë dollarë, ndërsa SHBA-të e Rusia kryesojnë respektivisht me 23 e 7.4 miliardë dollarë.
Gjermani do të linte pas në vitin e shkuar Francën dhe Britaninë në tregtinë e armëve, me eksportet të përqendruara në Lindjen e Mesme dhe në Afrikën e Veriut. Blerësi numër një i armëve gjermane ka qenë Arabia Saudite, i ndjekur në rajon nga Algjeria, Egjipti dhe Katari.
Lindja e Mesme dhe Afrika e Veriut pritet të jenë dhe në vitet e ardhshme tregjet kryesore të eksporteve gjermane të armëve.
Por siç bën të njohur raporti, renditja e ngjashme për vitin 2016 mund ta shohë Gjermaninë t’i lërë vendin Francës, që po përjeton një përtëritje të shpejtë të industrisë së mbrojtjes.
Sa i përket importit të armëve, tre vendet e para në vitin e shkuar i kanë zënë Arabia Saudite, India dhe Australia. Pritshmëritë për 2016-tën janë që vendin e Australisë në importin e armëve ta zënë Emiratet e Bashkuara Arabe, Koreja e Jugut dhe Iraku. /tesheshi.com/
