U ekstradua këtë të enjte nga Gjermania njeriu i 316 kg kokainë, zbuluar mes bananesh në kompaninë e tij “Arbi Garden” në Maminas, ngjarje e ndodhur në mars të 2018-ës. Fjala është për Arbër Çekaj, i cili u arratis në atë kohë në Gjermani, e prej sot do jetë pas hekurave të 313-ës në pritje të gjykimit.
Për drogën e vlerës 180 milion euro, në pranga janë dhe menaxheri Donald Lushaj, si dhe Armando Pezaku, shoferi i kamionit që transportoi kontenierët me banane dhe kokainë drejt magazinave të “Arbri Garden”.
Ky rast shkaktoi një furtunë te politika, ku opozita e shfrytëzoi si provë për pohimet e saj të trafikut të drogës nën qeverinë e Ramës, ndërsa ky i fundit përcolli deklarata ku aludoi se pas Arbër Çekajt qëndronin politikanë afër opozitës.
I akuzuari Çekaj është me origjinë nga Tropoja. /tesheshi.com/
