Përfaqësuesi dhe raportuesi gjerman për Kosovën në Këshillin e Evropës, Peter Beyer përsëriti qëndrimin e vendit të tij se shkëmbimi i territoreve nuk është i mundur si zgjidhje për marrëveshjen Kosovë-Serbi.
“Dua të përsëris qëndrimin tim dhe atë të Gjermanisë: ne nuk pajtohemi për ndonjë shkëmbim territor të çfarëdo lloji”, tha ai.
Ai thekson se detajet teknike të bisedimeve midis Serbisë dhe Kosovës janë jashtëzakonisht të rëndësishme, por shton se një marrëveshje përfundimtare mund të arrihet nëse nuk ka aplikim të plotë të “teknikave”.
“Siç kam thënë shumë herë më parë, të dy palët duhet të bëjnë punën e tyre. Jam jashtëzakonisht i lumtur që shoh që një dialog (i Serbisë dhe Kosovës) ka filluar me ndërmjetësimin e Bashkimit Evropian.”
“Ky është vërtet një lajm i mirë. Dhe padyshim që është një gjë e mirë nëse ekziston një besim serioz dhe i sinqertë në të ardhmen e mirë të popullit tuaj(Kosovës)”, tha Beyer.
Ai thotë se është e qartë se bisedimet duhet të fillojnë për të arritur një marrëveshje përfundimtare dhe ligjërisht të detyrueshme.
“Nuk jam i bindur që çdo detaj teknik duhet të zbatohet para nënshkrimit të një marrëveshje të tillë. Megjithatë, unë besoj se është thelbësore dhe absolutisht e nevojshme që të dy palët të tregojnë një vullnet serioz dhe të qëndrueshëm për të përmirësuar performancën e tyre në fushat përkatëse në drejtim të zbatimit”, tha Beyer. /tesheshi.com/
