Berlini zyrtar ka mbrojtur mbetjen përkohësisht të Shqipërisë pa Gjykatë Kushtetuese; jo në drejtpërdrejt por tërthorazi, duke thënë se ajo do krijohet rishtazi, duke i dhënë një hov Reforms në Drejtësi.
Kjo është theksuar në një letër që Majkëll Rut, Sekretari i Shtetit për Europën në Ministrinë e Jashtme gjermane i është drejtuar me anë të një letre Budenstagut që të votojë çeljen e negociatave me Shqipërinë.
Raportuar nga TCH, ministri gjerman shkruan se “Qeveria federale është e mendimit që Komisioni i BE-së do të japë një rekomandim pozitiv për hapjen e negociatave të pranimit me Shqipërinë dhe Maqedoninë e Veriut”.
Dhe te rasti i Shqipërisë, i mëshohet fort pikërisht Reformës në Drejtësi
“Në rastin e Shqipërisë, do të doja veçanërisht të theksoja arritjet e thella dhe të nënvizoj reformën e pashembullt gjyqësore. Veçanërisht në shqyrtimin e gjyqësorit, për gjyqtarët dhe prokurorët, Shqipëria ka bërë përparim të ndjeshëm. Deri tani, pothuajse 100 persona janë kontrolluar duke përfshirë të gjitha 57 rastet prioritare. Janë marrë 97 vendime, 19 njerëz kanë dhene dorëheqja e tyre nga procesi”, është shprehur ministri i Merkelit, ku më pas thekson “Gjykata Kushtetuese do të jetë plotësisht funksionale përsëri në gjysmën e dytë të vitit. Dhe me institucionet e krijuara rishtazi, rruga është gjithashtu e qartë për krijimin e një strukture të veçantë për të luftuar gjithashtu korrupsionin dhe krimin e organizuar nga Byroja Kombëtare e Hetimeve”.
Kujtojmë se mbetja e vendit pa Gjykatë Kushtetuese është një prej akuzave që opozita i bën kryeministrit Rama. Në fakt, kjo gjykatë, më saktë trupa e saj, doli jashtë loje pas procesit të vettingut, ku pjesa më e madhe e anëtarëve të saj nuk e kaluan dot. /tesheshi.com/
