Gjermania ka kohë që është e zëshme përballë konflikteve në botë, jo vetëm si qëndrime nga një superfuqi botërore, por edhe duke vepruar ndërgjegjshëm përballë situatave konfliktuoze, si rasti i mirëpritjes së refugjatëvee.
Konflikti i fundit në horizont është ai mes SHBA-ve dhe Iranit, shtete të cilat si në lojë ping-pongu po i gjuajnë njëra-tjetrës deklarata me retorikë lufte.
Ndërkohë ministri i jashtëm gjerman Heiko Maas nuk e la pa përmendur rrezikun e kësaj retorike dhe jo vetëm.
Ai madje paralajmëroi se grupet terroriste mund të përdorin tensionet përshkallëzuese midis SHBA-ve dhe Iranit si një mundësi për të provokuar luftë mes dy vendeve.
Duke folur në një panel diskutues në Hamburg, Maas e përshkroi situatën në Lindjen e Mesme si “jashtëzakonisht të rrezikshme” dhe u kërkoi dy vendeve të qetësohen.
“Ky është një rajon ku grupet terroriste janë aktive. Terroristët mund të nisin sulme për të përshkallëzuar dhunën dhe për të provokuar një luftë, dhe nuk do të ishte vetëm SHBA dhe Irani që do të merrnin pjesë në një luftë të tillë, por kjo shpejt do ta fuste gjithë rajonin në flakë”.
Maas riafirmoi angazhimin e vazhdueshëm të Gjermanisë për një zgjidhje diplomatike për mosmarrëveshjet me Iranin lidhur me programin e saj bërthamor dhe ndikimin e saj në rajon. /tesheshi.com/
