Xhamia Fatih në qytetin Sontheim në provincën gjermane Baden-Württemberg ishte shënjestra e një sulmi vandal.
Persona të panjohur sprajtosën kryqe dhe mesazhe fyese në muret e xhamisë, e cila vepron nën kujdesin e Komunitetit Islamik Turk të Diyanet (DITIB).
Ali Ozdemir, një përfaqësues i xhamisë Fatih, tha se besimtarët vunë re mbishkrimet e pakëndshme kur erdhën në xhami këtë mëngjes, duke shprehur shqetësim për incidente të tilla.
“Ne kemi treguar respekt për njerëzit e Sontheim për 30 vjet, dhe ata na trajtojnë me respekt.
Ne jemi një komunitet transparent, ne jemi pjesë e qytetit të Sontheim dhe dyert tona janë të hapura për të gjithë.
Ne veçanërisht duam që të gjithë njerëzit të jetojnë së bashku në paqe.
Gjatë vitit 2019, dikush gjithashtu theu xhamat në dritaret e xhamisë, por sulmuesit nuk u gjetën kurrë.
Ne kërkojmë që ata që e kryen këtë sulm të gjenden sa më shpejt të jetë e mundur,” tha Ozdemir.
Duke treguar se ata raportuan incidentin në polici, Ozdemir tha se policia bëri një kontroll në xhami dhe filloi një hetim.
Qyteti i Sontheim, i vendosur në verilindje të Ulm, ka rreth 6,000 banorë. /tesheshi.com/
