Ministri gjerman i Bujqësisë Cem Ozdemir bëri thirrje për ndalimin e të gjitha reklamave të ushqimeve që nuk janë të shëndetshme për fëmijët.
Propozimi i ministrit ka të bëjë me ëmbëlsirat, ushqimet me përmbajtje të lartë kripe, sheqeri apo yndyre. Konsumimi i këtyre ushqimeve nga fëmijët lidhet me zhvillimin e obezitetit, diabetit apo sëmundjeve të tjera.
Reklamat përkatëse në TV, radio, YouTube dhe Instagram duhet të transmetohen vetëm ndërmjet orës 23:00 dhe 06:00.
Gjithashtu, do të ndalohen reklamat për ëmbëlsirat në postera pranë shkollave dhe qendrave të aktivitetit të fëmijëve.
Grupet e konsumatorëve, siç raporton Guardian, po bëjnë thirrje për ndalimin e “vendosjes strategjike” të këtyre ushqimeve. Zakonisht vendosen pranë kasave në mënyrë që fëmijët t’i shohin dhe t’u luten prindërve t’u blejnë diçka përpara se të paguajnë.
Një në dy gjermanë, si dhe 15% e fëmijëve në vend, janë mbipeshë, sipas shkencëtarëve shëndetësorë në vend.
Ozdemir tha se do të kërkonte mbështetje ndërpartiake për planin, megjithëse ai pret të përballet me rezistencë. Plani u përfshi në marrëveshjen për formimin e qeverisë së koalicionit nga socialdemokratët, të gjelbërt dhe FDP. /tesheshi.com/
