Kancelari i sapozgjedhur gjerman, Olaf Scholz, ka marrë zyrtarisht detyrën nga shefja në largim e qeverisë gjermane, Angela Merkel.
Pas betimit në parlamentin gjerman, Scholz dhe ministrat e rinj të qeverisë gjermane morën detyrën dhe në selinë e qeverisë në Berlin u mbajt një ceremoni dorëzimi.
Kancelarja në largim Merkel uroi pasardhësin e saj Scholz për zgjedhjen e tij dhe tha se e dinte se sa e emocionuar ishte për të marrë këtë pozicion.
“Kjo detyrë është emocionuese, e kënaqshme dhe në të njëjtën kohë një detyrë sfiduese. Nëse bëhet me kënaqësi, marrja e përgjegjësisë për këtë vend mund të jetë një nga detyrat më të bukura”, tha Merkel.
Merkel gjithashtu falënderoi të gjithë zyrtarët e qeverisë gjermane dhe u uroi atyre punë të suksesshme me kabinetin e sapozgjedhur.
“E di që po merrni një punë me motive të mëdha. Pra, kujdesuni më së miri për këtë shtëpi dhe bëni atë që është më e mira për vendin tonë. Kjo është dëshira ime”, tha Merkel.
Olaf Scholz, 63 vjeç, u betua si kancelari i ri i Gjermanisë të mërkurën, duke zëvendësuar Angela Merkelin pas 16 vitesh.
Ai u zgjodh nga parlamenti gjerman më herët të mërkurën, ku një koalicion i shumicës prej tre partish e duartrokitën pas betimit.
Atij iu dha gjithashtu autoritet zyrtar nga presidenti gjerman Frank-Walter Steinmeier.
Zgjedhja e Scholz si kancelar u propozua nga Presidenti Steinmeier pasi Partia Social Demokrate e Gjermanisë (SPD) fitoi shumicën e votave në zgjedhjet e shtatorit dhe mori përsipër formimin e suksesshëm të një qeverie koalicioni me të Gjelbërit dhe Partinë Liberal Demokratike (FDP).
Qeveria, e cila do të përbëhet nga 16 ministra – shtatë nga SPD, pesë nga të Gjelbrit dhe katër nga Liberalët.
Qeveria e re e ka bërë një ndër prioritetet e saj luftën kundër pandemisë së koronavirusit dhe ndryshimeve klimatike.
Scholz është kancelari i 9-të gjerman i pasluftës dhe zëvendëson Angela Merkel (Bashkimi Demokristian – CDU), e cila ka qenë në pushtet që nga viti 2005. /tesheshi.com/
