Fishekzjarret e Vitit të Ri kanë sjellë nivele rrezikshmërisht të larta të ndotjes në disa qytete gjermane. Shifrat zyrtare sugjerojnë se në Mynih niveli i ndotjes së ajrit arriti në 26 herë më shumë sesa kufiri ditor i vendosur nga Bashkimi Europian prej 50 mikrogramësh grimca pluhuri për metër kub ajër.
Të dhënat kombëtare tregojnë se fishekzjarret e hedhura lëshuan rreth 4 mijë tonë grimca në atmosferë. Kjo është e barabartë me 15 për qind të sasisë së grimcave që lëshohen në vit nga automjetet.
Ndotja e ajrit me blozë konstatohet sidomos gjatë djegies së karburanteve fosile dhe janë shkak për vdekjet nga sëmundje të aparatit të frymëmarrjes.
Shifrat bënë që ambjentalistët të apelojnë për kufizime në shitjen e fishekzjarreve tek individët privatë. Në Australi, shitja e fishekzjarreve për përdorim privat është ndaluar në të gjitha shtetet përveçse në Tazmani dhe në territorin Verior që prej viteve 1980, në një lëvizje të inicuar nga shqetësimet për ndotjen e ajrit. /tesheshi.com/
