EURO 2024 u hap me duelin e parë në Grupin A mes Gjermanisë mikëpritëse dhe Skocisë në “Allianz Arena” të Mynihut.
Tifozët vendas kishin arsye për të festuar, pasi përzgjedhja e tyre tregoi forcën e saj dhe fitoi me një rezultat bindës 5:1.
Gjithçka ishte e qartë që pas pjesës së parë, kur Elf kaloi me tre gola epërsi.
Skuadra e Julian Nagelsmann kaloi në avantazh në minutën e 10-të, pasi Florian Wirtz shënoi një gol të mrekullueshëm pas asistimit të Joshua Kimmich.
Nëntë minuta më vonë, tabela ishte 2:0. Këtë herë ishte i riu Jamal Musiala ai që shënoi.
Gjermanët shënuan dhe golin e tretë në minutën e parë të shtesës së pjesës së parë, ku Kai Havertz ishte i sigurt nga pika e bardhë për 3:0.
Gjermania shënoi një tjetër gol në pjesën e dytë me zëvendësuesin Niclas Fullkrug në minutën e 68-të.
Antonio Rudiger shkurtoi rezultatin me autogol në minutën e 88-të, ndërsa rezultatin përfundimtar e shënoi Emre Can në minutën e tretë të shtesës së fundit të lojës.
Më herët ishte ceremonia e hapjes së Europianit.
Spektaklit i papriu një homazh për ish-kapitenin dhe trajnerin e Gjermanisë, Franz Beckenbauer, i cili vdiq në janar të këtij viti.
Në ceremoninë e hapjes, gruaja e Beckenbauer, Heidi, mbajti kupën, së bashku me dy ish-kapitenët e tjerë gjermanë, Bernard Dietz dhe Jurgen Klinsmann.
Vendi i ceremonisë është gjithashtu shtëpia e Bayern Munich, klubi ku Beckenbauer luajti për më shumë se një dekadë, duke fituar tre trofe radhazi të Kupës së Kampionëve (atëherë Kupa Evropiane) nga 1974 deri në 1976.
Kampionati europian i futbollit luhet nga 14 qershori deri më 14 korrik në dhjetë qytete të Gjermanisë dhe është përzgjedhja vendase që mban rekorde të shumta të kampionateve europiane. Së bashku me Spanjën, Gjermania ka fituar më së shumti EURO. Këto dy seleksione janë tre herë kampione të Evropës. /tesheshi.com/
