Ish-presidenti gjeorgjian, Mikhail Saakashvili, nuk është më qytetar i vendit të tij. Autoritetet gjeorgjiane që i hoqën atij shtetësinë të premten e shpjeguan vendimin me një ligj që e ndalon shtetësinë e dyfishtë.
Saakashvili e udhëhoqi Gjeorgjinë si president nga viti 2004 gjer në vitin 2013, për ta lënë më pas vendin për shkak të akuzave të kundërshtarëve politikë. Ai do të merrte më herët këtë vit, në maj, shtetësinë ukrainase, e do të emërohej guvernator i rajonit të Odesës nga presidenti i Ukrainës, Petro Poroshenko.
Ukraina nuk pranoi ta ekstradojë atë në fillim të këtij viti, ndërsa Saakashvili është në kërkim në vendin e tij dhe akuzohet për abuzim me pushtetin dhe për përdorim të tepruar të forcës ndaj protestuesve në vitin 2007.
Dominimi i Saakashvili-t në Gjeorgji do të merrte fund në tetorin e 2012-ës, kur zgjedhjet do t’i fitonte Bidzina Ivanishvili. Mandati i tij presidencial mbaroi një vit më pas, dhe president u zgjodh Georgy Margvelashvili, që është i njëjti person që firmosi dekretin për t’i hequr shtetësisë.
Saakashvili e ka parë heqjen e shtetësisë si një lëvizje që synon ta pengojë atë për ta udhëhequr bllokun e tij politik në zgjedhjet e përgjithshme të vitit të ardhshëm në Gjeorgji. /tesheshi.com/
