Gjeometria është një element shumë i rëndësishëm në kinematografi madje është arsyeja përse na pëlqen apo e urrejmë një personazh të caktuar. Skenaristët e përdorin gjeometrinë për të manipuluar ndjenjat e audiencës.
Kështu, personazhet pozitive janë gjithmonë me forma të rrumbullakta dhe të buta ndërsa personazhet negative kanë forma të prera dhe të ftohta.
Kujtoni përshembull figurën e Mickey Mouse me kokë dhe vesh të rrumbullakët ndërsa Darth Vader ka një kokë thuajse trekëndore.
Gjeometria shkon dhe përtej pamjes së personazheve: ajo mund të jetë e pranishme edhe në formësimin e vendeve dhe situatave.
Zakonisht për të përcjellë ndjesinë e burgosjes apo ngecjes në një dilemë apo vendimarrje skena do të karakterizohet nga imazhe të kapura përtej një dritarje (drejtkëndore) apo përtej rrjetash. Ndërsa një skenë e rrumbullakët të jep ndjesinë e vëzhgimit apo spiunimit.
Kështu pra, duke përdorur figurat gjeometrike paralajmërohet shikuesi ose nxitet të mendojë dhe të gjykojë në një formë të caktuar për një skenë të caktuar. /tesheshi.com/
