Një ish-gjeneral turk, i cili tani udhëheq një nga kompanitë më të rëndësishme të mbrojtjes të Turqisë, paralajmëroi një audiencë të Uashingtonit se partneriteti i SHBA-së me njësitë për Mbrojtjen e Popullit (YPG), dega siriane e PKK-së po e shtyen Turqinë në anën e Iranit dhe Rusisë.
“Ne mund të balancojmë Iranin dhe Rusinë në Siri, ne kemi një përvojë pune me ta. Ju lutemi, rishikoni politikën tuaj të Sirisë (që varet nga YPG). Ne mund të përmbushim çfarëdo qoftë nevoje tuaj në Siri, por mos na shtyni në anën tjetër. Ju po na shtyni drejt palës iraniane dhe ruse”, tha gjenerali i pensionuar gjeneral Ahmet Bertan Nogaylaroğlu në një panel të organizuar të mërkurën nga Organizata e Trashëgimisë Turke me qendër në Uashington (THO).
Gjenerali, një zëvendëskryetar i drejtorëve të industrisë turke të hapësirës ajrore (TAI), tha se NATO-ja dhe SHBA-ja duhet të tregojnë ndjeshmëri ndaj shqetësimeve turke, sepse 13 nga 16 problemet kryesore ndërkombëtare të përcaktuara nga NATO-ja ishin rreth Turqisë. “Tani jemi nën kërcënim nga Siria. Ne jemi në vijën e parë të përballjes me këto probleme. Kur do të na dalë NATO në ndihmë?”, pyeti ai.
Gjenerali i pensionuar James T. Conway, ish-komandant i Korpusit Detar të SHBA-së, i cili gjithashtu foli në panelin e njëjtë, ishte më i shqetësuar lidhur Operacionin e Turqisë “Dega e Ullirit” kundër objektivave të YPG në Afrin dhe synimet e saj tashmë të njohura kundër qytetit sirian Manbij, ku forcat speciale të SHBA-së po shoqërojnë milicinë e Forcave Demokratike të Sirisë (SDF) të udhëhequr nga YPG. Gjenerali tha se Turqia nuk ishte shumë e qartë për objektivat e saj në Afrin: “Cila është loja përfundimtare? Kush do ta kontrollojë këtë territor? Synimi duhet të jetë i qartë”.
Gjenerali Conway gjithashtu përsëriti qëndrimin zyrtar të SHBA-së se ekziston rreziku i konfrontimit mes ushtarëve turk dhe amerikanë në Manbij.
Gjenerali turk, një atashe ushtarak për ambasadën turke në Uashington, nuk u pajtua. Ai tha se ka kanale rutinë dhe të vendosura midis dy ushtrive dhe ka një delegacion ushtarak me bazë në Turqi. “Ne do të takohemi së bashku, do të bisedojmë dhe do të gjejmë një zgjidhje në Manbij,” shtoi ai.
Pentagoni së fundi lëshoi disa deklarata në të cilat tha se Turqia dhe SHBA-ja kanë mjetet e nevojshme për të shmangur çfarëdo incidenti midis forcave turke dhe amerikane, pasi që të dy vendet janë aleatë të NATO-s dhe pjesë e koalicionit kundër Daeshit.
Më 20 janar, Turqia nisi operacionin “Dega e Ullirit” së bashku me FSA për largimin e terroristëve të PKK/YPG dhe Daesh nga Afrin, në veri-perëndim të Sirisë.
Sipas Shtabit të Përgjithshëm Turk, operacioni synon të krijojë siguri dhe stabilitet përgjatë kufijve të Turqisë dhe rajonit, si dhe për të mbrojtur sirianët nga shtypja dhe mizoria e terroristëve.
Afrin ka qenë një strehë e madhe për PKK/YPG që nga korriku 2012, kur regjimi i Asadit në Siri u largua nga qyteti duke ia dorëzuar qytetin grupit terrorist pa luftë. /tesheshi.com/
