Në Nish të Serbisë u kremtua Dita e Fitores mbi fashizmin, ku në qendër qe një parakalim ushtarak, i ndjekur dhe nga dyshja Vuçiç – Dodik, dy liderët serbë të rajonit.
Por njeriu që ka qenë në krye të paradës ushtarake, ka përbërë dhe befasinë e pakandshme të ceremonisë. Së paku sipas amerikanëve.
Gjenerali në pension Vladimir Lazareviç, ish-komandant i Korpusit të Prishtinës dhe armatës së tretë që Tribunali i Hagës e ka dënuar për krime kundër njerëzimit dhe shkelje të ligjeve të luftës, udhëhoqi këtë paradë.
Ai u lirua në dhjetor 2015, pas më shumë se 10 vjitesh në burgun e Sheveningenit.
Kjo ka bërë ambasadori amerikan në Beograd, Kyle Scott, ta dënojë prezencën e tij në paradë duke u shprehur në Twitter.
“Është një turp që një i dënuar për krime lufte të jetë në frontin e atyre që duan të nderojnë aleatët të cilët kanë vdekur duke luftuar për drejtësi dhe paqe në Evropë”, shkroi ai. /tesheshi.com/
