Ben Hodges, ish-komandanti i ushtrisë amerikane në Evropë, beson se çlirimi i gadishullit të Krimesë, i cili tani është nën pushtimin rus, është i mundur deri në verën e vitit të ardhshëm.
“Kur e mendoj, shoh se situata në të cilën ndodhen rusët po përkeqësohet çdo javë. Ata thonë se lufta është një provë e vullnetit dhe logjistikës, dhe në të dyja aspektet Ukraina është shumë më superiore”, tha ish-komandanti për gazetën FAZ.
“Rusët duhet ta humbin luftën, sepse përndryshe ata do të përpiqen të shkojnë përsëri në luftë pas dy ose tre vjetësh”, tha ai.
Sipas Hodges, “shpresa e vetme” e udhëheqjes ruse është se vendet perëndimore do të lëkunden kur bëhet fjalë për mbështetjen e tyre për Ukrainën.
“Pra, ata po bëjnë gjithçka që munden për të zgjatur luftën dhe për të përhapur frikë dhe pasiguri në perëndim. Atyre do t’u shërbejë çdo mjet: të rinjtë që po rekrutojnë tani si mish për top, si dhe sulme ndaj infrastrukturës në perëndim”, tha ish-gjenerali.
“Prandaj besoj se në javët dhe muajt e ardhshëm do të jemi dëshmitarë të më shumë sabotimeve dhe sulmeve të tilla, ose të paktën tentativa.” /tesheshi.com/
