“Sulmi për të vrarë Qasem Soleimani ishte mjaft i rëndësishëm. Më i rëndësishëm se vrasja e Osama bin Laden apo Abu bakr al-Baghdadi. Ai trajnonte të gjithë forcat paraushtarake”, deklaroi Michael Barbero, një Gjeneral i NATO-s, i ndodhur në Tirana për të folur rreth këtij zhvillimi të nxehtë në Lindjen e Mesme.
Në një konferencë me një grup deputetësh dhe ish-deputetësh shqiptarë, ai u shpreh se SHBA-ja nuk kërkon që të pushtojë Iranin.
“Nuk është e vërtetë që SHBA kërkon të pushtojë Iranin. Vrasja e gjeneralit Soleimani ishte një parandalim. Irani ka organizuar disa sulme të sofistikuara. Kemi ndërmarrë veprimet e nevojshme për të mbrojtur njerëzit tanë”, theksoi ushtaraku i lartë amerikan. /tesheshi.com/
