Ish-komandanti i përgjithshëm i forcave tokësore amerikane në Evropë, gjenerali Frederick Ben Hodges pyeti në lidhje me dërgimin në Serbi të pjesës së parë të sistemit të mbrojtjes ajrore të Rusisë – “Pancir”, për të cilin Serbia beson se duhet të mbrohet.
“Pyes veten për çfarë i duhen këto sisteme? Kush mendon se Serbia duhet të mbrohet kundër kujt? Perëndimi është i palodhshëm në gjetjen e mënyrave për t’iu qasur Serbisë, por që nuk përbën asnjë kërcënim për Serbinë”, tha Hodges për Zërin e Amerikës.
Sipas tij, në një mënyrë shumë më të mirë Serbia mund të investojë fonde të vlefshme; të ndërtojë infrastrukturë dhe të krijojë vende pune, gjë që do t’u jepte qytetarëve të rinj serbë besim në një të ardhme më të mirë. “Në vend që të blini sisteme të shtrenjta armësh kundër kërcënimeve ajrore jo-ekzistente,” tha ai.
Shuma që Serbia i dha Rusisë për sistemin e raketave “Pancir S” është e panjohur për publikun. Në tregun botëror të pajisjeve ushtarake, ky lloj sistemi rakete kushton midis 13 dhe 14.6 milion dollarë, në varësi të versionit, shtoi Zëri i Amerikës. /tesheshi.com/
