“NATO rrezikon për një luftë nukleare me Rusinë brenda vitit, në rast se ajo nuk i shton kapacitetet mbrojtëse në vendet baltike”, njofton sot njëri prej zyrtarëve më të vjetër të NATO-s në pension, për gazetën Independent.
Gjenerali Sir Richard Shirreff është autor i librit imagjinar “2017: Lufta me Rusinë”, ndërsa në një intervistë për BBC-në i cilëson ngjarjet e përshkruara në libër si “alternativa tërësisht të mundura”.
Gjenerali Shirreff, ish zv/Shef i Përgjithshëm i forcave aleate të NATO për Evropën në periudhën 2011-2014, ka thënë se sulmi rus mbi Estoninë, Lituaninë dhe i Letoninë (të gjitha anëtare të NATO-s) ka qenë mundësi serioze, andaj perëndimi duhet të veprojë menjëherë me qëllimin e shmangies së një katastrofe potenciale.
“Ne duhet të gjykojmë Presidentin Putin në bazë të mënyrës si ai vepron, jo në bazë të asaj që flet. Ai ka sulmuar Gruzinë, Krimean, Ukrainën, pa ndonjë problem të madh. Në një situatë plot tensione, sulmet në ndonjërën prej vendeve baltike është shumë i mundur”, – shprehet gjenerali.
Ai shton se Putinit mund t’i shkojë mendja për ndonjë sulm të mundshëm, për shkak të perceptimit të tij për një NATO të dobësuar, e si në rastin e Krimeas mund ta arsyetojë sulmin mbi vendet baltike si akt i mbrojtjes së minoriteteve ruse në ato vende.
NATO është përforcuar në vendet baltike, por Shirreff thotë se NATO duhet të rrisë shkallën e sigurisë në nivelin që agresori të mendojë dy herë para se të vendosë a ia vlen të rrezikojë për ndonjë sulm apo jo.
Në librin e tij, gjenerali Shiref është kritik ndaj dobësimit të mbrojtjes së Britanisë së Madhe.
“Ky vend dikur ka ecur lehtë, por ka bartur shkop të madh, tash ka liderë të zhurmshëm të cilët bartin shkop të lehtë dhe të pafuqishëm, duke iu referuar zvogëlimit të kapaciteteve mbrojtëse britanike”, – ka shkruar Shiereff në hyrje të librit. /tesheshi.com/
