Gjenerali amerikan: Efekti shkatërrues i HIMARS në forcat ruse

Gjenerali amerikan Mark Milley tha se Rusia po dështon në pushtimin e Ukrainës, por paralajmëroi se lufta nuk ka përfunduar dhe se ndihma ushtarake perëndimore për Kievin duhet të vazhdojë.

Milley shtoi se forcat ukrainase po përdorin sistemin raketor amerikan HIMARS, i cili “ka një efekt shkatërrues” mbi forcat ruse.

“Ne shohim përfitime reale dhe të matshme për Ukrainën nga përdorimi i këtyre sistemeve. Për shembull, ukrainasit goditën më shumë se 400 objektiva me raketa HIMARS dhe ato patën një efekt shkatërrues”, u tha ai gazetarëve në bazën Ramstein në Gjermani pas një takimi të zyrtarëve të mbrojtjes aleate të SHBA-së për të diskutuar mbështetjen për Ukrainën.

“Linjat ruse të komunikimit dhe zinxhirët e furnizimit janë të tendosura seriozisht. Kjo ka një ndikim të drejtpërdrejtë në aftësinë e Rusisë për të projektuar dhe ruajtur fuqinë luftarake. Komanda dhe kontrolli rus në selinë qendrore është ndërprerë dhe ata kanë vështirësi të mëdha për të rimbushur forcat e tyre dhe për të kompensuar humbjet luftarake,” shtoi ai. /tesheshi.com/