Mësohet se presidenti Nishani ka refuzuar të rimandatojë gjeneral Jeronim Bazon në krye të Forcave të Armatosura shqiptare, pas një propozimi nga qeveria edhe për njëmandat të dytë në krye të ushtrisë shqiptare.
Siç bën me dije Top Channel, kreu i shtetit nuk e ka dekretuar me pretendimin e mosrespektim të Kushtetutës dhe shkeljeve të ligjit të komandimit zinxhir të Forcave të Armatosura, duke u arsyetur se shefi i Shtabit të Përgjithshëm, Bazo gjatë 3 viteve të mandatit të tij të parë nuk ka raportuar asnjëherë tek Komandanti i Përgjithshëm i Forcave të Armatosura – pra presidenti Nishani – nuk i ka dërguar atij asnjë informacion, nuk ka kryer asnjë konsultim për dokumentat, planet apo strukturat e Forcave të Armatosura.
Kjo është përplasja e radhës mes Presidenit dhe Kryeministrit, pasi Bazo të shkuar për t’u dekretuar tek Nishani pas firmosjes së Ramës për të me propozim të Ministrisë së Mbrojtjes. /tesheshi.com/
