Një vdekje tronditëse ka ndodhur në stafin e NATO-s, ku Yves Chandelon, shefi i seksionit të auditit në selinë qëndrore të Aleancës në Bruksel, i cili mbulonte financimin e terrorizmit dhe pastrimin e parave, është gjetur i pajetë në makinën e tij, i qëlluar me një plumb në kokë, një rast që ngre dyshime.
E para për shkak se kjo ka ndodhur që më datën 16 dhjetor, por që është bërë publike dy ditë më parë, pas interesimit të familjarëve për fatin e njeriut të tyre.
E dyta, vdekja e Chandelon, 62 vjeç i ngjan një vetëvrasjeje, pasi i është gjetur një pistoletë në dorë; por ai njihej si mëngjarash, ndërkohë që arma i është gjetur në dorën e djathtë; dhe kjo shton dyshimet për një vrasje.
Trupi i tij u gjet në afërsi të qytetit të Andenne në rajonin Ardennes, Belgjikë, rreth 140 kilometra larg nga zyra e tij.
Vdekja Chandelon korrespondon me vrasjen e bujshme të ambasadorit rus në Turqi, Andrey Karlov, e ndodhur tre ditë më pas në Ankara; ndërkohë që në të njëjtën ditë një tjetër diplomat rus, Petr Polshikov, u gjet edhe i vdekur në banesën e tij në Moskë. /tesheshi.com/
