Një nëndetëse e Gjermanisë nga periudha e Luftës së Dytë Botërore, në të cilën dyshohet se janë skeletët e 23 anëtarëve të ekuipazhit është gjetur, kanë thënë autoritetet rajonale belge.
Guvernatori i një rajoni në Belgjikë, Carl Decaluwe, i tha sot agjencisë Associated Press se pamja në fund të Detit Verior ishte “shumë unike”.
Sipas tij, “dëmtimi ishte në pjesën ballore, por nëndetësja mbetet e mbyllur dhe atje ende janë 23 njerëz”.
Zoti Decaluwe tha se nëndetësja ishte gjetur nga kërkuesit. Ai ka refuzuar të japë më tepër detaje për vendndodhjen derisa të sigurohet plotësisht.
Ai gjithashtu pohoi se ka kontaktuar ambasadorin gjerman në Belgjikë, pasi “atje ka njerëz në bord dhe ne duhet të shohim se çfarë do të bëjmë”./tesheshi.com/
